പേനയുടെ വില

🌻🌼🌸🌻

രാജ്യത്തിന്റെ സാമ്പത്തികവളർച്ചയിൽ നിർണായക പങ്കുവഹിച്ച വ്യവസായ പ്രമുഖനായ ടാറ്റയുടേതായി പറയപ്പെടുന്ന ഒരു സംഭവ കഥയാണിത്.

ഒരിയ്ക്കൽ സംസാരമദ്ധ്യേ, അദ്ദേഹത്തിന്റെ ഒരു സുഹൃത്ത് ടാറ്റയോട് തന്റെ ഒരു വിഷമം പറഞ്ഞു.

കേട്ടാൽ നിസ്സാരമെന്ന് തോന്നുമെങ്കിലും സുഹൃത്തിനെ വല്ലാതെ അലട്ടുന്ന ഒരു പ്രശ്നം ആയിരുന്നു അത്.

അദ്ദേഹം എപ്പോഴും തന്റെ പേന എവിടെയെങ്കിലും മറന്ന് വെക്കും. ഒരു പാട് പേനകൾ അദ്ദേഹത്തിന് തന്റെ ഈ അലസതയും, മറവിയും മൂലം നഷ്ടപ്പെട്ടിട്ടുണ്ട്.

സുഹൃത്തിന്റെ സങ്കടം കേട്ട ടാറ്റ ഒരു പരിഹാരം നിർദ്ദേശിച്ചു.

ലഭ്യമായതിൽ വെച്ചു ഏറ്റവും വില പിടിപ്പുള്ള ഒരു പേന വാങ്ങാൻ. ടാറ്റയുടെ ഉപദേശ പ്രകാരം സുഹൃത്ത് വലിയ വില കൊടുത്ത് ഒരു സ്വർണ്ണനിർമിതമായ പേന വാങ്ങി.

വളരെ നാളുകൾക്ക് ശേഷം സുഹൃത്തിനെ വീണ്ടും കണ്ട്മുട്ടിയപ്പോൾ ടാറ്റ അദ്ദേഹത്തോട് പേന നഷ്ടപ്പെട്ടോ എന്ന് ചോദിച്ചു.

"ഏയ്! ആ പേന എന്റെ കയ്യിൽ തന്നെയുണ്ട്, നഷ്ടപ്പെട്ടിട്ടേയില്ല." സുഹൃത്ത് അഭിമാനപൂർവ്വം പറഞ്ഞു.

"അത് ആ പേന വളരെ മൂല്യമേറിയത് കൊണ്ടും, അതിന്റെ മൂല്യം നിങ്ങൾ തിരിച്ചരിയുന്നത് കൊണ്ടുമാണ്. അങ്ങിനെ ഒരു വസ്തു നിങ്ങൾ ഒരിയ്ക്കലും അശ്രദ്ധമായി കൈകാര്യം ചെയ്യുകയില്ല."

പലതും നാം മറക്കുന്നതും, അവഗണിക്കുന്നതും അവയ്ക്ക് നാം അത്ര വില കൽപ്പിക്കാത്തത് കൊണ്ടാണ്. പഠിക്കുന്നത് മറക്കുന്നതും അതിന് നാം വേണ്ട മൂല്യം കൽപ്പിക്കാത്തത് കൊണ്ടാണ്.```

🌻🍂🍃🌻🍂🍃🌻🍂

➿➿➿➿➿➿➿