കൈപ്പുണ്യത്തിന് പൊടിക്കൈകളുമുണ്ട്

👌ചിലർ എന്തുവച്ചാലും നല്ല സ്വാദാണ്, കൃത്യമായി പാചകവിധികൾ അറിയണം എന്നുപോലുമില്ല പക്ഷേ വിഭവം കിടിലനായിരിക്കും. എന്നാൽ എല്ലായ്പ്പോഴും കഥ അങ്ങനെയാകണമെന്നില്ല. പ്രത്യേകിച്ചും മുതിർന്നവർ അല്ലെങ്കിൽ പാചകം അറിയാവുന്നവർ കൂടെയുണ്ടാകുമ്പോൾ കൈ അൽപം വിറയ്ക്കും.
എന്നാൽ അവരെയും ഞെട്ടിക്കാൻ ചില വഴികളുണ്ട്. പാചകം കൊണ്ടു മാത്രമല്ല കറിയ്ക്ക് രുചി കൂടാനും പാചകം വൃത്തിയും വെടിപ്പുമായി ചെയ്യാനും ചില നുറുങ്ങുവിദ്യകളും നിങ്ങളെ സഹായിക്കും. അവയിൽ ചിലത് പരിചയപ്പെടാം.

👌പച്ചക്കറികൾ നന്നായി കഴുകിയെടുത്ത ശേഷം മാത്രം കറിയ്ക്കായി അരിഞ്ഞെടുക്കുക. അരിഞ്ഞ ശേഷം കഴുകിയാൽ പച്ചക്കറികളിലെ പോഷകാംശങ്ങൾ നഷ്ടപ്പെട്ടുപോകും.
വൃത്തിയായി കഴുകിയെടുത്ത പച്ചക്കറികൾ തൊലിയോടുകൂടി വേവിക്കുന്നതാണ് പോഷകാംശങ്ങൾ നഷ്ടപ്പെട്ടു പോകാതിരിക്കാൻ ഏറെ നല്ലത്.
ഇനി ഇത് കറിവയ്ക്കുമ്പോൾ കഷണങ്ങളുടെ നിറം മങ്ങാതിരിക്കാൻ കറിയിൽ അൽപം പഞ്ചസാരയോ വിനാഗിരിയോ നാരങ്ങാനീരോ ചേർത്താൽ മതി.

👌ഇനി അറിയേണ്ട മറ്റൊന്ന്, അധികനേരം വേവിച്ചാൽ പച്ചക്കറികളിലെ പോഷകാംശങ്ങൾ നഷ്ടപ്പെട്ടു പോകും എന്ന തിരിച്ചറിവാണ്.
പച്ചക്കറികൾ അരിയുമ്പോൾ കൈയിൽ കറ പുരണ്ടാൽ ഒരു കഷണം ഉരുളക്കിഴങ്ങ് മുറിച്ച് കൈയ്യിൽ കറയുള്ളിടത്തായി ഉരച്ചാൽ മതി കറ മാറിക്കിട്ടും.

👌ഉരുളക്കിഴങ്ങ് അരിഞ്ഞത് തണുത്തവെള്ളത്തിൽ ഇട്ടുവച്ചിരുന്നാൽ ഇത് വാടുന്നതും കറുത്ത നിറമാകുന്നതും തടയാം.
കറിയിൽ ഉപ്പ് കൂടിപ്പോയാൽ അതിൽ ഉരുളക്കിഴങ്ങു കഷണങ്ങൾ ചേർത്ത് അടച്ചുവെച്ച് വിളമ്പുന്നതിന് മുമ്പ് ഇവ കറിയിൽ നിന്നും സ്പൂൺ ഉപയോഗിച്ച് കോരിമാറ്റിയാൽ മതി. ഉപ്പ് കുറഞ്ഞിട്ടുണ്ടാകും.

👌വാടിയ കാരറ്റ്, ബീറ്റ്റൂട്ട്, എന്നിവ അരമണിക്കൂർ നേരം ഉപ്പുവെള്ളത്തിൽ ഇട്ടുവച്ചിരുന്നാൽ വീണ്ടും ഫ്രഷ് ആയി കിട്ടും. ഉരുളക്കിഴങ്ങ് പുഴുങ്ങുന്ന വെള്ളത്തിൽ ചെറുനാരങ്ങയുടെ നീര് കൂടി ചേർത്താൽ കിഴങ്ങ് നന്നായി വെന്തു കിട്ടുമെന്ന് മാത്രമല്ല രുചിയും കൂടുതലായിരിക്കും.

👌കറിയ്ക്ക് ഉള്ളി അരച്ചു ചേർക്കുമ്പോൾ അതിനോടൊപ്പം ഇഞ്ചിയോ പച്ചമുളകോ ചേർത്തരച്ചാൽ ഉള്ളിയുടെ മണം കുറഞ്ഞു കിട്ടുമെന്ന് മാത്രമല്ല രുചിയും കൂടുതലായിരിക്കും.
സവാള ഫ്രിഡ്ജിൽ വച്ച് നന്നായി തണുപ്പിച്ച ശേഷം അരിയുകയാണെങ്കിൽ കണ്ണിൽ നിന്നും വെള്ളം വരുന്ന പ്രശ്നം പരിഹരിക്കാം. പക്ഷേ അരിഞ്ഞുവെച്ചിരിക്കുന്ന ഉള്ളിയുടെ തണുപ്പ് പൂർണമായും മാറിയശേഷമേ കറിയ്ക്കായി ഉപയോഗിക്കാവൂ.

👌കാബേജ് പാചകം ചെയ്യുമ്പോൾ അതിലേക്ക് കുറച്ച് നാരങ്ങാനീര് കൂടി ചേർത്താൽ കാബേജിന്റെ മണം മാറിക്കിട്ടും. കാബേജ് അരിഞ്ഞ് ഉപ്പ് പുരട്ടി 10 മിനിറ്റ് വയ്ക്കുക. ശേഷം കാബേജ് നന്നായി കൈ കൊണ്ട് അമർത്തി പിഴിഞ്ഞ് അതിലെ വെള്ളം മുഴുവൻ കളയുക. അതിന് ശേഷം തോരൻ വച്ചാൽ അതിന് നല്ല രുചിയായിരിക്കും.

🔷🔶🔷🔶🔷🔶🔷🔶🔷🔶🔷