വളർച്ചയുടെ തുടക്കം

    _നൂറ്റാണ്ടുകൾ പഴക്കമുളള ഒരു വലിയ മരത്തിന്റെ വലുപ്പം കണ്ട് അത്ഭുതത്തോടെ ശിഷ്യൻ ഗുരുവിനോടു ചോദിച്ചു ,  ഇത്ര വലിയ മരം എങ്ങിനെയാണുണ്ടായത്?  അതിശയം തന്നെ._

    _ഗുരു പറഞ്ഞു , ' നീ പോയി ആ മരത്തിന്റെ പഴം ഒരെണ്ണം പറിച്ചു കൊണ്ടു വരൂ  ' .  അവൻ പഴം കൊണ്ടു വന്നപ്പൊൾ ഗുരു പറഞ്ഞു . അതൊന്നു മുറിക്കൂ .   ശിഷ്യൻ മുറിച്ചു നോക്കിയപ്പോഴാകട്ടെ അതിൽ നൂറു കണക്കിനു വിത്തുകളും . അതിലൊരെണ്ണം തിരഞ്ഞെടുത്തിട്ട് ആ വിത്തു നീ ഒന്നു പൊട്ടിക്കൂ ഗുരു നിർദേശിച്ചു .  അവൻ പൊട്ടിച്ചു നോക്കിയിട്ടു പറഞ്ഞു , ' ഈ വിത്തിനകത്ത് ഒന്നുമില്ലല്ലോ' ! അതു കേട്ടതും ഗുരു പറഞ്ഞു ; " ആ ഒന്നുമില്ലായ്മയിൽ നിന്നുമാണ് ഈ വൻമരം ഉണ്ടായത് ._

    _ചില സംരംഭങ്ങൾ ഉണ്ടാകുന്നത് ഒരു ദിവസം കൊണ്ടല്ല . എവിടെ നിന്നു തുടങ്ങി എന്നു ചോദിച്ചാൽ  കൃത്യമായി പറയാൻ നമുക്ക്  ചിലപ്പോൾ സാധിച്ചെന്നു വരില്ല .  എന്തിന്റേയൊക്കേയോ ധൈര്യത്തിൽ തുടങ്ങിയതാണ് പല സംരംഭങ്ങളും മുന്നേറ്റങ്ങളും ._

    _തുടക്കം നന്നായാൽ ഒടുക്കം നന്നാകും എന്നല്ലേ ചൊല്ല് .   നല്ല തുടക്കത്തിനു വേണ്ടി കാത്തിരിക്കുന്നതിനാലാണ് പലരും   ഒന്നും തുടങ്ങാത്തത്.  നല്ല സമയവും നല്ല കാലവും നോക്കി ആയുസ്സു മുഴുവൻ കാത്തിരുന്ന് മുളയ്ക്കാതെ പോയ വിത്തുകൾ പോലെ ._

    _ശൂന്യതയിൽ നിന്നും നിറവിലേക്കുളള യാത്രയാണ് എല്ലാ വളർച്ചയും . എത്രമാത്രം വലുതാകുന്നു എന്നത് വിത്തിന്റെ വൈശിഷ്ട്യത്തെയും വഴികളിലെ വൈവിധ്യത്തേയും ആശ്രയിച്ചിരിക്കും .

    വളർച്ചയുടെ വഴികൾ കാണാത്ത , ആ വഴികളിലൂടെ സഞ്ചരിക്കാൻ തയ്യാറാകാത്ത ഒരാളും വളരില്ല .

    എല്ലാ തുടക്കത്തിനും ഒരു അവസാനമുണ്ടാകും. അതുപോലെ ഓരോ അവസാനത്തിനും മറ്റൊരു തുടക്കവും . 👣👣👣

    വിജയത്തിനു തൊട്ടടുത്തെത്തി എന്നത് തിരിച്ചറിയാതെ , പരിശ്രമത്തിൽ നിന്നും പിൻവാങ്ങുന്നതാണ് മിക്കവരുടേയും ജീവിതത്തിലെ വലിയ പരാജയങ്ങൾ .