🔅അലി(റ)ന്റെ ചെങ്കണ്ണ്

ഇസ്ലാമിക പോരാട്ട ചരിത്രത്തിൽ ത്രസിപ്പിക്കുന്ന ഒരേടാണ് ഖൈബർ യുദ്ധം. ധിക്കാരിയായ മുറഹിബിനെയും അനുയായികളെയും നിലംപരിഷാക്കിയ  അവിസ്മരണീയ പോരാട്ടം.
" നാളെ ഞാൻ പതാക ഒരു ധീരയോദ്ധാവിനു കൈമാറും.അദ്ധ്യേഹം അല്ലാഹുവിനെയും, അല്ലാഹു അദ്ധ്യേഹ ത്തെയും സ്നേഹിക്കുന്നുണ്ട് " നബി(സ) പ്രഖ്യാപിച്ചു. അത്യാവേശത്തോടെയാണ് സ്വഹാബത്ത് ആ പ്രഖ്യാപനം സ്വീകരിച്ചത്.
'ആ മഹാഭാഗ്യവാൻ ഞാനായിരുന്നെങ്കിൽ എന്ന് എല്ലാവരും അഭിലഷിച്ചു'
തിരുനബി (സ) പ്രഖ്യാപിക്കുന്ന ആ പരമ യോഗ്യനെ നാളെ പ്രഭാതത്തിലറിയാം.
എല്ലാവരും അക്ഷമയോടെ കാത്തിരുന്നു.
നേരം പുലർന്നു. തിരു നബി (സ) യുടെ പ്രഖ്യാപനം കാതോർത്തു അവർ കാത്തിരുന്നു.
"അയ്ന അലിയ്യു ബ്നു അബീത്വാലിബ് " കാത്തിരിപ്പുകൾക്ക് വിരാമം കുറിച്ച് ആറ്റലോർ പ്രഖ്യാപിച്ചു. അലീ (റ)ആ മഹനീയ സ്ഥാനത്തിനു പരമ യോഗ്യൻ തന്നെ.
സ്വഹാബത്തിനിടയിൽ ആരംഭ നബി(സ) അലീ (റ)നെ പരതി. പക്ഷെ അവർക്കിടയിൽ ആ മുഖമില്ല.
"അലി എവിടെ?" അവിടുന്ന് അന്വേഷിച്ചു.
"ശക്തമായ ചെങ്കണ്ണ് ബാധിച്ച് വിശ്രമത്തിലാണ് " സ്വഹാബത്ത് മറുപടി പറഞ്ഞു.
അലി (റ)നെ വിളിക്കാൻ നബി (സ) ആളെ അയച്ചു.
ചെങ്കണ്ണുമായി അലി (റ) തിരുസവിദം വന്നു.
അലി (റ) അസഹ്യമായ വേദന കടിച്ചമർ ത്തുന്നുണ്ട്. ഹബീബായ നബി(സ) അവിടുത്തെ ഉമി നീർ അലി (റ)ന്റെ കണ്ണിൽ പുരട്ടി കൊടുത്തു.
ഉടനടി ചെങ്കണ്ണ് സുഖപ്പെട്ടു..!!
അസഹ്യമായ വേദന അശ്വാസത്തിനു വഴിമാറി...!
അശ്രു കവിഞ്ഞൊഴുകിയ നയനങ്ങൾ പ്രകാശിച്ചു..!
ആരംഭ റസൂൽ(സ) യുടെ മേന്മയേറിയ ഉമിനീരിന്റെ പവിത്രത ...!
أنه صلى الله عليه وسلم أرسل إلى علي وهو أرمد فبصق في عينيه فبرىء کأن لم يكن به وجع
(اتحاف سادة المتقين)

✍ അബ്ദുൽ അസീസ് സഖാഫി ,വാളക്കുളം.
*----------------------------*