🔅അൽപം കാരക്കയുമായി വരുന്ന ബാലിക..!!

👑
തിരു നബി(സ) ഇപ്പോൾ സ്വഹാബികളോടൊത്ത് മദീനക്ക് ചുറ്റും ഊഷര ഭൂമി കൊത്തിപ്പിളർത്തി കിടങ്ങ് നിർമാണത്തിൽ മുഴുകിയിരിക്കുകയാണ്.
ത്യാഗോജ്ജലമായ ആ ചരിത്ര ദൗത്യം വിജയകരമായി  മുത്ത് നബിയോടപ്പം സ്വഹാബത്ത് പൂർത്തീകരിച്ചത് ഇല്ലായ്മയുടെ മധ്യത്തിലായിരുന്നു. 

തീ തുപ്പുന്ന സൂര്യ ഗോളത്തിനു താഴെ ഉറഞ്ഞുറച്ച ഊഷര ഭൂമി വെട്ടി പിളർക്കുമ്പോൾ ഭക്ഷണമില്ലാതെ മുത്ത് നബിയും സ്വഹാബത്തും പ്രയാസങ്ങളുടെ പരകോടിയിലെത്തി. കടുപ്പമേറിയ പാറക്കഷ്ണം ഉദരത്തിൽ അമർത്തി വെച്ച് കെട്ടി കഠിനാധ്വാനം ചെയ്ത സ്വഹാബത്ത് ,ഇനിയും ഭക്ഷണമില്ലാതെ മുന്നോട്ടു പോവൽ അസാധ്യമാണന്ന ഘട്ടം എത്തിയപ്പോൾ അവർ മുത്ത് നബി (സ) യുടെ സമീപമെത്തി, അവാലാതിയുടെ കെട്ടഴിച്ചപ്പോൾ ,അവിടുന്ന് ഷർട്ട് ഉയർത്തി തന്റെ ഉദരം അവർക്ക് കാണിച്ചു, സുബ്ഹാനല്ലാഹ്....!!
ആ തിരു ഉദരത്തിൽ അമർന്നു കിടക്കുന്നത് രണ്ടു പാറക്കഷ്ണങ്ങളാണ്.

ആറ്റൽ നബി അനുഭവിക്കുന്നത് രണ്ടു പേർ അനുഭവിക്കുന്ന അസഹ്യമായ വിഷപ്പിന്റെ പരമാവധിയാണ്..!
വിഷന്നു വലഞ്ഞു എന്റെ ആറ്റൽ നബിയോർ വിയർത്തൊലിക്കുകയാണ്, ഈ പരിശുദ്ധ ദീനിനു വേണ്ടി..!
അസ്സലാത്തു വസ്സലാമു അലൈക യാ റസൂലല്ലാഹ്.

മഹാനായ ബശീർ ബ്നു സഅദ് (റ)ന്റെ പുത്രിയായ കൊച്ചു ബാലിക പറയുന്നു.  പ്രാതലൊന്നും കഴിക്കാതെ മുത്ത് നബിയോടൊത്ത് അതികഠിനമായ കിടങ്ങ് നിർമാണത്തിൽ മുഴുകിയ എന്റെ വന്ദ്യ പിതാവിനുവേണ്ടി ഉമ്മ' അംറതു ബിൻത് റ വാഹത് '  വീട്ടിലുണ്ടായിരുന്ന ഏതാനും ചില കാരക്കയുമായി എന്നെ ഖന്തക് നിർമാണ സ്ഥലത്തേക്കയച്ചു. അത് പിതാവിനും ,അമ്മാവൻ അബ്ദുല്ലാഹി ബ്നു റവാഹ (റ) എന്നിവർക്കെത്തിച്ച് കൊടുക്കാൻ എന്നോട് കൽപ്പിച്ചു. അതുമായി ഞാൻ ഖന്തക് നിർമാണ സ്ഥലത്തെത്തി.മുവ്വായിരത്തിലധികം സ്വഹാബത്ത് മദീനക്ക് ചുറ്റും കിടങ്ങ് നിർമിക്കുകയാണ്.

സൂര്യൻ അവരുടെ തലക്കു മുകളിൽ കത്തിജ്വലിക്കുന്നു.
പിതാവിനെയും അമ്മാവനെയും പരതി കാരക്കയുമായി ഞാനവടെയാകെ പരതി നടന്നു.
തിരു നബി (സ) എന്നെ ശ്രദ്ധിച്ചു. അവിടുന്ന് എന്നെ വിളിക്കുകയാണ്.
"മോളെ ഇങ്ങോട്ട് വരൂ, എന്താണ് നിന്റെ  കയ്യിൽ?"
"എന്റെ പിതാവിനും അമ്മാവനും നൽകാനായി ഉമ്മ തന്നു വിട്ട ഏതാനും കാരക്കകളാണ് ,റസൂലെ " ഞാൻ മറുപടി പറഞ്ഞു.

"എങ്കിൽ അതെനിക്ക് തരൂ" അവിടുന്നാവശ്യപ്പെട്ടു.
താമസംവിനാ ഞാനവ ആരംഭ നബിയോരുടെ തിരുകൈ വെള്ളയിലേക്ക് ചൊരിച്ചു കൊടുത്തു. അവിടുത്തെ കൈകുമ്പിൾ നിറയാൻ മാത്രം അവ ഉണ്ടായിരുന്നില്ല.
ശേഷം ഒരു വസ്ത്രം കൊണ്ടുവരാൻ അവിടുന്നാവശ്യപ്പെട്ടു. ഉടനെ സ്വഹാബത്തിൽ നിന്നൊരാൾ ഒരു വസ്ത്രം കൊണ്ട് വന്നു തിരുമുമ്പിൽ വിരിച്ചു. കാരക്ക വസ്ത്രത്തിലിട്ടു.അതന്റെ ഒരു ഭാഗം കൊണ്ട് കാരക്ക പൊതിഞ്ഞു.

തുടർന്നു നബി(സ) അടുത്തുണ്ടായിരുന്ന സ്വഹാബിയോട് കിടങ്ങു നിർമാണത്തിൽ മുഴുകിയ എല്ലാവരെയും വിളിക്കാൻ കൽപിച്ചു.അദ്ധ്യേഹം ഉടനെ ചെന്ന് വിളംബരം ചൈതു " ഭക്ഷണം കഴിക്കാൻ എല്ലാവരെയും അല്ലാഹുവി ന്റെ റസൂൽ വിളിക്കുന്നു"
എല്ലാവരും വന്നു. വിശന്നുവലഞ്ഞ എല്ലാവരും കഴിച്ചു. വിശപ്പടങ്ങുന്നതു വരെ സുഭിക്ഷമായി കഴിച്ചു. ആയിരക്കണക്കായ സ്വഹാബികൾ കഴിക്കുന്നതിനനുസരിച്ച് പൊതിഞ്ഞിരുന്ന വസ്ത്രതലപ്പിൽ നിന്ന് കാരക്ക ഉൽഭവിച്ചുകൊണ്ടേയിരുന്നു.

വിശപ്പു മാറി ,വയറ് ശാന്തമായി, നവോന്മേശം ലഭിച്ചു, കർമ കുശലത വീണ്ടും കൈവരിച്ചു, ധാരാളം ഊർജം സംഭരിച്ചു സ്വഹാബത്തെല്ലാം വീണ്ടും ജോലിയിൽ മുഴുകി. അപ്പോഴും വസ്ത്ര തലപ്പിൽ നിന്ന് കാരക്ക പുറത്ത് വന്നു കൊണ്ടിരിക്കുന്നുണ്ടായിരുന്നു.

✍ അബ്ദുൽ അസീസ് സഖാഫി ,വാളക്കുളം.